တဲလ်အဗစ်၊ ဧပြီ-၂၇-၂၀၂၄
မျိုးဆက်(VOM)
ဂါဇာမှာ အလားအလာရှိတဲ့ အပစ်အခတ်ရပ်စဲရေးနဲ့ပတ်သက်ပြီး အစ္စရေးရဲ့ တန်ပြန်အဆိုပြုချက်ကို လေ့လာနေကြောင်း ဟားမတ်စ်အဖွဲ့က ဧပြီ ၂၇ ရက်မှာ ပြောပါတယ်။
အစ္စရေးနဲ့ ဟားမတ်စ်တို့အကြား ရပ်တန့်နေတဲ့ ဆွေးနွေးပွဲတွေ ပြန်စရေးအတွက် ကြားဝင်ဖျန်ဖြေပေးနေတဲ့ အီဂျစ်ကိုယ်စားလှယ်အဖွဲ့ဟာ အစ္စရေးကို ရောက်ရှိပြီးနောက် တရက်အကြာမှာ အဆိုပြုချက်နဲ့ပတ်သက်ပြီး ဟားမတ်စ်တို့က တုံ့ပြန်လာတာဖြစ်ပါတယ်။
အစ္စရေးက ဂါဇာေတောင်ပိုင်း ရာဖာမြို့ကို စစ်ရေးအရ တွန်းအားပေးတိုက်ခိုက်ဖို့နဲ့ စစ်ပွဲနောက်ဆက်တွဲအဖြစ် ဒေသတွင်းမှာ တင်းမာမှုတွေ မြင့်တက်နေချိန်မှာအပစ်အခတ်ရပ်စဲရေး ဆွေးနွေးပွဲသစ်တွေရဲ့ အရိပ်အယောင် ထွက်ပေါ်လာတာဖြစ်ပါတယ်။
“ အီဂျစ်နဲ့ ကာတာက ကြားဝင်ဖျန်ဖြေသူတွေထံကို အစ္စရေးက ဧပြီ ၁၃ ရက်မှာ ပေးအပ်ခဲ့တဲ့ အဆိုပြုချက်ကို လက်ခံရရှိခဲ့ပြီး ဒီအဆိုပြုချက်ကို လေ့လာနေပြီး လေ့လာပြီးသွားရင် တုံ့ပြန်မှုကို တင်ပြမှာဖြစ်တယ်” လို့ ဟားမစ် နိုင်ငံရေးဗျူရို လက်ထောက်အကြီးအကဲ ခါလီအယ်လ်ဟေယာက ပြောပါတယ်။
အမြဲတမ်းအပစ်အခတ်ရပ်စဲရေးနဲ့ ပတ်သက်ပြီး ဟားမတ်စ်တွေရဲ့ ယခင်အဆိုပြုချက်တွေကို အစ္စရေးက ပယ်ချခဲ့ပါတယ်။ အီဂျစ်၊ ကာတာနဲ့ အမေရိကန်တို့ အပစ်အခတ်ရပ်စဲရေး သဘောတူညီချက်သစ်ကို လက်မှတ်ရေးထိုးနိုင်ဖို့ ကြိုးစားခဲ့ကြသော်လည်း ယာယီသာဖြစ်ခဲ့ပြီး ဟားမတ်စ်တို့ဖမ်းဆီးသွားသော ဓါးစာခံ ၈၀ နဲ့ အစ္စရေးအကျဉ်းထောင်တွေမှာ ထိန်းသိမ်းထားတဲ့ ပါလက်စတိုင်းအကျဉ်းသား ၂၄၀ ကိုလဲလှယ်ပေးနိုင်ခဲ့ပါတယ်။
Ref:CNA
Photo:Getty Images
Related posts
-
သန်လျင်တံတား စီမံကိန်း ပြီးစီးတော့မှာကြောင့် သန်လျင်အိမ်ခြံမြေဈေး နှစ်ဆကျော် မြင့်တက်နေ
မေ ၉ – ၂၀၂၄SN (VOM)သန်လျင်တံတား အမှတ် (၃) ပြီးစီးတော့မယ့် သတင်းတွေကြောင့်... -
မန္တလေး ကုန်စည်ဒိုင် ၉ – ၅-၂၀၂၄ အရောင်းအဝယ်စျေးကွက်အခြေအနေ
မန္တလေး- ၉ – ၅-၂၀၂၄(VoiceOfMyanmar)ဂျုံစေ့အမျိုးမျိုးဂျုံ (တောင်ဘက်/ငါန်းဇွန်/မြို့သာ) – ၆၀ ပိဿာ –... -
ထိုင်းဝန်ကြီးချုပ်ဟောင်း သက်ဆင်နဲ့ မလေးရှားဝန်ကြီးချုပ်တို့ ဖူးခက်မှာတွေ့ပြီး မြန်မာ့အရေး ဆွေးနွေးခဲ့
ဘန်ကောက်၊ မေ-၉-၂၀၂၄မျိုးဆက်(VOM)ထိုင်းဝန်ကြီးချုပ်ဟောင်း သက်ဆင်ရှာနာဝပ်ထရာဟာ ပြီးခဲ့တဲ့ သီတင်းပတ်က ဖူးခက်ခရီးစဉ်အတွင်း မလေးရှားဝန်ကြီးချုပ် အန်ဝါအီဘရာဟင်နဲ့ တွေ့ဆုံဆွေးနွေးခဲ့တယ်လို့...